1. |
`S bleib alles gleich
04:01
|
|
||
... ´S BLEIB ALLES GLEICH!
Die Luft isch dick, mir brauchn a Auszeit!
So wia's isch kunns niamols bleibm und in Woahrheit steaht ins es Wasser bis zum Hals.
Und mit der Zeit waxt die Unzufriedenheit.
Die Politik vertritt alles nur nit's Volk und derzähln ins Joahr und Tog in gleichn Schmalz.
Nur die Leit begreifn's nit
In Österreich bleib alles gleich! Veränderung kimb in insern Wortschatz goar nit vor.
So long sich's lebm lasst, so lang's in die Andern schlechter geaht als mir isch alles guat.
Nur des wearn mir no derlebm, dass es ordentlich kracht - i befürcht des zohl mer mit inserm Bluat.
Wenn sich in deam Land nit bald was tuat!
Macht's die Augn au, des isch a Frechheit!
Hintn ummer, obm drüber – trotzdem wart mer no a bissl, es wearscht schu wearn.
A wenns iatz langsam nimmer hetzig isch, do wearscht oar kemmen ders mehr richtet und den ganzen
Sumpf so richtig truckn leg, und ner vu vorn unfang!
Irgend wia kimb mir iatz vir des Ganze hom mer decht schun oamol kob!?
Ja wos isch denn mit ins los? Hom mir nit alle in der Schuale epas glearnt?
Wenn epas so fescht stinkt, wenn niamad mehr sei Recht auf Mitbestimmung gschpiert.
Ner ischs hegschte Zeit dass wos passiert!
So long sich's lebm lasst, so lang's in die Andern schlechter geaht als mir isch alles guat.
Nur des wearn mir no derlebm, dass es ordentlich kracht - i befürcht des zohl mer mit inserm Bluat.
Wenn sich in deam Land nit bald was tuat!
Mit am Grinser in ihrm Gsicht, stiahn se do und glabm dass des niamad mehr kapiert.
Wenn epas so fescht stinkt, wenn niamad mehr sei Recht auf Mitbestimmung gschpiert.
Wenn lei no Korruption grassiert
Und die Politik is Land ruiniert!
Ner ischs hegschte Zeit dass wos passiert!
|
||||
2. |
Der Abgesang
03:29
|
|
||
DER ABGESANG
Mit lahre Händ, awiag verlohrn, Stiahn mir iatz do wia nui gebohrn
Dabei hom se ins stets nur betrogn, Iatz hintnnoch wor alles derlogn
Alles verbrennt, alles zerrinnt, Zum Schluss bleib koaner der wos gwing .
Mir kehrn zrugg zum Anbeginn, stelln die Uhrn auf null und hoffen auf an Neubeginn
Der Rach vergeaht, die Gluat erlischt, In Stab verwahnts der Regen verwischts
Und in a poar Joahr denkt koaner mehr noch, Die Gsellschaft kriacht wieder ausm Loch
Fang un sich traun, tuat wieder redn, Man kannt fascht moan tuat wieder lebm
Und wia a Kreisl von am Kind `s bleib alles gleich, drahn sich die Fahndlan nochm Wind
So oder ähnlich lafts decht alleweil o
Der Abgesang uhh ohh uhh ohh!
Wia die Lemminge im Kollektiv derho
Inser Abgesang uhh ohh uhh ohh!
Und trotzdem gib’s ins alleweil no
Der Abgesang uhh ohh uhh ohh!
Und insre Kinder wundern sich wieso
Inser Abgesang uhh ohh uhh ohh!
Mit lahre Händ, awiag verlohrn, Stiahn mir iatz do wia nui gebohrn
Dabei hom se ins stets nur betrogn, Iatz hintnnoch wor alles derlogn
Alles verbrennt, alles zerrinnt, Zum Schluss bleib koaner der wos gwing .
Mir kehrn zrugg zum Anbeginn, stelln die Uhrn auf null und hoffen auf an Neubeginn
So schlimm kunn’s gor nia sein, dass sich die Welt auheart zu drahn
und ganz am Schluss vo jedem Tog scheint noch der Sunne mehr der Mond.
A wenn’s nit besser wearscht wia’s isch, a wenn mer jammern und mir schrein,
bis inser Lebenslust erlischt, im Endeffekt hobm mir’s decht viel zu fein.
Mit lahre Händ, awiag verlohrn, Stiahn mir iatz do wia nui gebohrn
Dabei hom se ins stets nur betrogn, Iatz hintnnoch wor alles derlogn
Alles verbrennt, alles zerrinnt, Zum Schluss bleib koaner der wos gwing .
Mir kehrn zrugg zum Anbeginn, stelln die Uhrn auf null und hoffen auf an Neubegin
|
||||
3. |
Alles wos zählt
04:37
|
|
||
ALLES WOS ZÄHLT
I bleib bei dir so long bis du eingschlafen hosch, und wenn du willsch bin i morgen no do,
Bis in der Friah 's erschte Mol deine Augen aumochsch, hock i an deim Bett und heb dei Hand.
Wenn's amol eng wearscht und du nimmer woasch wohin, lass' mi's lei wissn und i renn zu dir.
Koa Berg zu hoach, koa Loch zu tiaf dass i di nit find. Oa Wort, oa Blick und i steah vor dei Tiar.
Und du muasch nia mehr vor irgend wos Angscht hom, oder di für irgend eppas schamen.
Und ganz egal wos a passiert i steah zu dir ganz gleich wos kimb.
Und wenn die Fiaß mol wieder nochgebm, fang i di au und hilf dir austiahn.
Weil du bisch alles des wos zählt, du gibsch meim Leben an nuien Sinn.
I bleib bei dir bis i nimmer bin.
Du bleibsch bei mir so long bis i eingschlafen hun, und wenn i will bisch du morgen no do,
bis i in der Friah 's erschte Mol meine Augen aumoch, hocksch du an meim Bett und hebsch mei Hand.
Und i muas nia mehr vor irgend wos Angscht hom, oder mi für irgend eppas schamen.
Und ganz egal wos a passiert du steahsch zu mir ganz gleich wos kimb.
Und wenn di Fiaß mol wieder nochgebm, fangsch du mi au und hilfsch mir austiahn.
Weil du bisch alles des wos zählt, du gibsch meim Leben an nuien Sinn.
Du bleibsch bei mir bis i nimmer bin
mit'nander Hand in Hand bleibn mir bestiahn.
An Deiner Seite will i no weit giahn.
I heb di fescht weil du sollsch nia mehr friern.
Geschtern, heit und morgen will i di durch's Lebn fiehrn.
Und du muasch nia mehr vor irgend wos Angscht hom, oder di für irgend eppas schamen.
Und ganz egal wos a passiert i steah zu dir ganz gleich wos kimb.
Und wenn die Fiaß mol wieder nochgebm, fang i di au und hilf dir austiahn.
Weil du bisch alles des wos zählt, du gibsch meim Leben an nuien Sinn.
I bleib bei dir bis i nimmer bin
mit'nander Hand in Hand bleibn mir bestiahn.
An Deiner Seite will i no weit giahn.
I heb di fescht weil du sollsch nia mehr friern.
Geschtern, heit und morgen will i di durch's Lebn fiehrn.
|
||||
4. |
Summerliad
04:41
|
|
||
5. |
Mit jedem Atemzug
05:08
|
|
||
MIT JEDEM ATEMZUG
A jeder will wos ändern, aber koaner in ersten Schritt tian
Es isch bequemer gegen alles zu schimpfen, aber schwär noch vorn zu giahn
So kunn halt nie wos nuis entstiahn.
A jeder fühlt sich als Opfer von an System des nur Zombies produziert
A eigene Meinung sich mit erwünscht hauptzach man sich still und funktioniert
Der Geist verkümmert die Leit resignieren
Aber dann reden se sich wieder ein, dass es ins recht ganz guat geht
Sie sagen man soll recht zufrieden sein
Aber i will mit nur zufrieden sondern glücklich sein
Durch dunkle Gassen, laf i dem Licht entgegen
Der Eintönigkeit davon i will mal wieder wos erleben
Weinen, Lachen es Leben gspian.
Vorbei an all de Leit an all de gfühlslosen Gsichter
Der fascht gor nix mehr gfreit ausser die Geldtasche werd dicker
Kurz gehts besser die Gier werd greaßer
Aber so will i nit sein, mei Herz schlog allm schneller
Pumpt frisches Blut in mein Kopf hinein
I gspias mit jedem Atemzug
Schnauf aus wos mir nimmer guat tuat
Saug au wos wirklich wichtig isch
Mir werd ganz warm
I hun a Lachen in meim Gsicht
Im Hamsterradl gfangen, wo sie allm es gleiche tian
Aber mitn Strom zu schwimmen sich leichter als kämpfen und riskieren
wos nuis zu derleben, erkannt ja wos passieren
Aber mi treibs noch vor, i will weiter
I siech schu a Stickl weiter, der Horizont wird breiter
Die Stimmen vo die Leit wern allm leiser
I gspias mit jedem Atemzug
Schnauz aus wos mir nimmer guat tuat
Saug au wos wirklich wichtig isch
Mir werd ganz warm
I hun a Lachen in meim Gsicht
I gspias mit jedem Atemzug
Dass des richtig sich wos i do tua
i fühl mi wohl , mir geahts guat
Bin voller Tatendrang und Mut
Es kennts mi nimmer bremsen
I hun in Absprung gschafft!
|
||||
6. |
Die beschtn Freind
03:11
|
|
||
DIE BESCHTN FREIND
Mit fufzehn Johr isch dir die Welt zu kloan, du willsch lei aussi vo Dahoam
Du glabsch du hosch no viel zu toan und des am beschtn ganz alloan
Dass sich um di koar scheißt tuasch du lei moan.
Mit zwanzg spiersch du ner Sturm und Drang in dir, du kennsch lei Weiber, Schnaps und Bier.
Die Altn kemmen grod nit viar, für di gibs lei "I und meins und mir".
Dei oagner Chef in deim Revier.
Und do isch eppas des wos bleib, des sein dir deine lieabschtn Leit
Egal ob regnen oder schneibm, des sein de wos alm bei dir bleibm
A tia amol braucht des a sei Zeit bis du erkennsch die beschtn Freind
Mit fünfezwanzg wearschts ziemlich kompliziert, du hosch so manches ausprobiert
und trotzdem isch no nix passiert, du mörgsch lei dass es dir pressiert
Is Lebm rennt und gallopiert!
Mit dreißg geahts plötzlich ordentlich dahin, du stellsch a riesn Hittn hin
Man isch zu zwoat und daraufhin isch die Geburt a Maitermin
und dei Freindin die Gattin
Und do isch eppas des wos bleib, des sein dir deine lieabschtn Leit
Egal ob regnen oder schneibm, des sein de wos alm bei dir bleibm
A tia amol braucht des a sei Zeit bis du erkennsch die beschtn Freind
Mit vierschzg, mit fufzg, mit sechzg, oder mit siebzg, allzuviel ändern wearscht sich nit
Is Lebm isch und bleib a Hit und kloane Sorgen haltn fit
So geahts bis zum Pensionsantritt.
Und kurz vor Schluss am Ende vo deim Lebm hasch du no so viel zu gebm
ober es nutzt halt nix es wearscht sich leider so nit ergebm
Am End tuat koaner überlebm
Wenn man ner so zrugg denkt an die schianschtn Tog im Lebm, do woar man nia alloan, do hot's
decht alm epparn gebm.
Der de Erfahrungen getoalt hot, deam man alles derzählt hot, der zwoar manchmal deppat gschaug
hot ober di nia verrotn hot.
Wor die Zeit wiedermol reif die aufn Boden oer zu holen, die beschtn Freind hom dir die Woahrheit
gsag und des zu hundert Prozent unverhohlen
Und do isch eppas des wos bleib, des sein dir deine lieabschtn Leit
Egal ob regnen oder schneibm, des sein de wos alm bei dir bleibm
A tia amol braucht des a sei Zeit bis du erkennsch die beschtn Freind
A tia amol braucht des a sei Zeit bis du erkennsch die beschtn Freind
|
||||
7. |
´S nägschte Johr
03:57
|
|
||
´S NÄGSCHTE JOHR
A so long isch's goar nit her do wollt i alles zerreißn, der jugendliche Leichtsinn hot is Lebm oanfoch gmocht.
Die Weisheit mit n Leffl gfressn und glost auf nix und niamad. Mei wor des dorscht fein und unbeschwert -
oanfoch lei sein!
Probleme hun i nia gekennt mit Ausahme vielleicht, vo so Kloanigkeiten de a jeder, wirklich jeder vo ins kennt.
Die Welt wor no in Ordnung, guat und beas wor no eindeutig unterscheidbar und i hun gwisst i steah do sicher nit
ganz falsch.
Ober irgendwenn do kimb der Punkt wo sich alles ändern tuat,
ob zum Letzern oder Bessern ober a Wandl tuat ganz guat.
Sischt bleibatn mir decht alm die gleichen stellz enk des nur amol vor!
Do isch mir schu liaber es tuat sich wos, i bin schu gspannt aufs nägschte Joar.
Im nägschtn Joar schaugs andersch aus, am End sein mir dorscht schun statt heit ganz andre Leit ?
Heit isch vieles andersch, i mach mir viel zu viel Gedankn über Vieles wo i friager goar nit gwisst hun
dass es' gib.
I gfrei mi über Dinge, de hattn mir friager nix bedeitet. Sie sein mir liab und tuier i hun glearnt zu nemmen wos
man kriag.
Weil irgendwenn do kimb der Punkt wo sich alles ändern tuat,
ob zum Letzern oder Bessern ober a Wandl tuat ganz guat.
Sischt bleibatn mir decht alm die gleichen stellz enk des nur amol vor!
Do isch mir schu liaber es tuat sich wos, i bin schu gspannt aufs nägschte Joar.
Im nägschtn Joar schaugs andersch aus, am End sein mir dorscht schun statt heit ganz andre Leit ?
Dreihunderschtfünfesechzig Tog, man tat nit moan wos so a Mensch in der Zeit vermog!
Oh oh ohh oh oh
Oh oh ohh oh oh oh
Am beschtn goar nit zuviel drüber redn über des wos sein kannt und wos nit.
Es Lebm bleib nit stiahn, dafier brings für jeden wos mit.
|
Streaming and Download help
If you like Wetterleichtn, you may also like:
Bandcamp Daily your guide to the world of Bandcamp